My Blog List

Wednesday, 8 February 2017

කවි දෙකක්..

"හරි උඹ කියපන් ආදරේ කියන්නෙ මොකක්ද" කොච්චියා ඇසුවේය. මොලයේ නහර ගැට ගැහෙන තෙක්  සිතුවත් මගේ පිළිතුර ගොළුකම ම විය. ඔන්න බලපන් මුගෙන් ඇහුවම දෙන්නෙ නැද්ද කියල විනාඩි දෙක තුනක Definition එකක්, මා අසලම විස්කි තොලගාමින් සිටි ඔහුගේ හොදම මිතුරා පැනයට ලක්විය. කොච්චියා කීවේ සැබෑවකි  “ආදරේ ඉතින් අපිට ඕනේ. බිරිද, ළමයි ඕවා තමා ඉතින් දැන් බලපන් මම උඹට අදරෙයි, උඹ මට අදරෙයි.. මූ කියාගෙන කියාගෙන ගියේය. නෙල්ලිගේ මොලේ නහර තවත් ගැට ගැහුනී. සැබෑ ආදරය, කොන්දේසි විරහිත ආදරය හා ඒ අතරට maths ද කොච්චියා පදමට ඇනූ විට මගෙ මොලය කැලතුනි. මේ ලියන්නේ ඒ සංවදය ගැනනම් නොවේ. තවත් දිවියේ හැඩතල මැවූ හමුවීමක් ගැනය.

මා කොළඹ රැකියාව කළ කාලයේ මොරටු සරසවියෙන් ආයතනික පුහුණුවට තෙමස් පරිවාස කාලයකට පැමිණෙන ඈයන් බොහොමයක් මුනහැසී ඇත. ඒ අතර මා සිත් ගත් හුරුබුහුටී තරුණියක් විය. ඇය කටකාරය, දගකාරය. එමෙන්ම හැඩකාරය. ඔෆීසියේ ඉඩකඩ සිමිත වු බැවින් ඇයට මගේ මේසයේ කොනක ආසනයක් පිරිනැමින. නොබෝ දිනකින් එකිනෙක දොඩමලු විය. මගේ හොද මිතුරියක් විය. ඔෆීසියේ ගොසිප් සේවය නම් කිවේ මා ඇයට පෙම් බදින බවයි. එනමුදු මසිත වෙන පෙමකය. ඈ එය දනී. ඇගේ සිතද වෙන පෙමකය. මා ද එය දැන සිටියෙමි.

 වරෙක ඇය ජනෙල් කවුලුව තුලින් හිස් අහස දෙස  ඉබාගාතේ බලා සිටින්නීය, ඇයගේ සිහින් දිගැටි පාගිලි මා දැක අත්තෙමි. දස්කොන් ප්‍රමිලගෙ උපන් ලපය දුටුවේ අහම්බෙනි. නොසිතූ නොපැතූ අයුරකින්මය. මෙයද එසේමය. වාසනාවකට මෙය තිබුනේ කකුලෙහි නොවේය. ගෙලට පහලින් ලැමට ඉහලින් පිහිටි සිහින් උපන් ලපයද මා දැක තිබු ඒවා අතර විය. වෙනසකට තිබුනේ මාගේ ප්‍රමිලාව හා ඇයගේ දස්කොන් අපි අපිම නොවීමයි. එනිසා නෙල්ලිගේ හිසද කිසිවෙකු ගසා දැමුවේ නැත. මේ තරම් නිමිති පෙනෙද්දී කවි සිතක් කෙලෙසක වාවම්ද. මේ ඇය තුලින් මම රසවිදි මගේ සිහිනයි. මේ ඇයට ලියු පළමු කවියයි.


එබී කවුලුව තුලින් බලනා විට අහස් ගැබ හැඩ වළා
එකක් දිගැටිව පිහිටි පා තුඩු සිහින් බව මම සැක කලා
අහම්බෙන් හෝ එකම සළකුණ නුඹේ ලැම මැද පිහිටලා
වෙනත් කිසිවෙකු නොවේ සොදුරිය මගේ සදවත සිහි කලා

කාලය කෙමෙන් කෙමෙන් ඉගිලින. පරිවාස කාලය හමාර වන්නට මොහොතකි. නික්ම යන ඇය ගැන කිසිදු තැවුලක් සිතෙහි නැති නමුත් ඇයට සුබපැතිය යුතුය. ඒ අනාගත සුබ සෙත උදෙසාය. ඇය ලoකර ගැනීමට හෝ හිමිකර ගැනීමට අල්පමාත්‍රික රහස් හැගීමක්වත් හද තුල නොවීය. නමුත් කවි සිතක් කෙලෙසක පහදම්ද. මේ ඇයට ලිවූ අවසන් කවයි.

සහස් සුවහස් කාලයක් නුඹ සැපෙන් සතුටින් වෙසේවා
දහස් ගණන්ක් සොදුරු මල් වැසි වැටී  ඉන් ඔබ තෙමේවා
රහස් අදහස් නැතේ මා සිත සිතූ පැතු දේ ලැබේවා
එහෙත් තනිකඩ උනොත් යම්දින මුලින් මට එය ඇසේවා

ළගදී මූණුපොතේ ඇය ද අතිනත ගෙන ඇති බව දුටිමි. සදවත ද අද මා සමගය. හදපිරි සතුටින් සුබපැතීමි. මා ඇයට ලියු සෙත් කවියේ වස් පදය ඇරෙන්නට අනෙක් පද සියල්ල මල්පල ගැන්වී ඇත. කවිකාරකමට ලියුවෙමි. වස් නොපැතුවෙමි..



62 comments:

  1. හරි අපුරුයි නෙල්ලි. ජයවේවා !!!

    ReplyDelete
  2. නෙතින් නෙතකට දුටුව පමණින් ඇති නොවේ ආලෙක බැමී
    හිතින් හිතකට බද්ධ වූ විට නවත්තනු බෑ පෙම් පිමී
    තුටින් ඈ ඇගෙ ඔබත් ඔබෙ ලොව දිවි ගෙවන බව දන්නෙමී
    ඉතින් කවදත් කවියෙ වස් ගති නොවන්නට මම පතනෙමී.......

    ලස්සන සටහනක් නෙල්ලී.

    ජයවේවා!!!

    ReplyDelete
    Replies
    1. නුබත් කවියෙන් හොදම සාරය නියම ගානට දෙන්නෙකී
      මමත් වින්දෙමි එකී කව් පද තුලින් ගැලු රස අරුතකී
      සමත් බව කිසි සැකක් නැහැ සින්හල බසෙහි උබ හපනෙකී
      නමුත් පිළිතුරු බදිනු රිසියෙමි කවි සිතක් රන් වන්නකී

      බොහොම ස්තූති කවියෙන්ම දුන් කොමෙන්ටුවට

      Delete
  3. නෙල්ලි බ්ලොග් එකක් ලියන්න පුලුවන් එකෙක් කියලා මට හිතුනේ ඔන්න ඔය වෙලාවෙ. ඔය කවි පද දෙක ජනේලෙ අයිනෙ ඉඳන් රස කරලා කිව්වා.
    සියුම් මානුෂික හැඟීම්..ආදරයත් නොවන ආලයත් නොවන රාගයත් නොවන ඔය වගේ හැඟීම් අපි හැමෝම ළඟ තියෙනවා.

    දැන් ඊළඟ එක තමයි මේ වගේ පෝස්ට් දාන අපේ බ්ලොග් කරුවන් මුහුණ දෙන ඩොමෙස්ටික් සෙන්සර් නෙල්ලිට කොයි විදියට බලපායි ද කියලා..එහෙම බලපෑමක් ඇති නොවේවා කියලා ප්‍රාර්ථනා කරනවා..

    සිරා පෝස්ට් එක..නියම රස නියම ගානට

    ReplyDelete
    Replies
    1. ඔබට සමදා මම ණයගැතී කොච්චියො බොහොම ස්තූති මෙ එක නෙමෙ මොකක්ද ඩොමෙස්ටික් සෙන්සර් කියන්නෙ

      Delete
    2. "සියුම් මානුෂික හැඟීම්..ආදරයත් නොවන ආලයත් නොවන රාගයත් නොවන ඔය වගේ හැඟීම් අපි හැමෝම ළඟ තියෙනවා." සහතික ඇත්ත

      Delete
    3. නෙල්ලි වගේ කවියෙක්ව බ්ලොග් එකට ගෙනාපු කොච්චිට ස්තූති කරන්න ඕනෙමයි.

      ජයවේවා!!!

      Delete
  4. නෙල්ලි වගේ. කට පුරා රස දිවයනවා. නෙල්ලියෝ...කවි ලියලා බ්ලොග් එකේ පබ්ලිශ් කරනකොට, පේලි එහා මෙහාවෙලා වැටෙන එකට ප්‍රතිකර්මයක් තියෙනවා. බ්ලොග්ස්වල කවි ලියන අය ඒ ක්‍රමේ දන්නවා. දුමීලා වගේ අයගෙන් අහලා බලන්න.

    ReplyDelete
  5. බොහොම සතුටුයි කොමෙන්ටුවට, මම අහන්නම් දුමියගෙන් 😊

    ReplyDelete
  6. Awesome piece of work..
    Beyond the thoughts of the typical lyrist

    ReplyDelete
  7. Nicely written :) Interesting to read, can we see more pieces of creative writings?

    ReplyDelete
  8. ඔය තියෙන්නේ යසට

    ReplyDelete
  9. යසයි නම් එච්චරයි 😊

    ReplyDelete
  10. අටමා තමයි මෙහාට එන්න පාර කිව්වේ. නියම කවි දෙක. දිගටම ලියන්න

    ReplyDelete
    Replies
    1. කියවන්න මේ පැත්තට ආවට ස්තූති අටමටත් ස්තුති නොකරම බැහැ

      Delete
  11. ලස්සන් කවිදෙක හා පසුබිම් කතාව

    ReplyDelete
    Replies
    1. බොහොම ස්තුති ආයෙත් එන්න මෙ පැත්තෙ 😊

      Delete
  12. අවංක සිතුවිලි මෙහෙම කවියට නගන්න හැකි බොහොම ටික දෙනාටයි. වැඩේ තියෙන්නේ මේක නෙරංජන් ගැන තක්සේරුවකට පසුකාලීනව මෙතැන ඉන්න කුහකයෝ යොදා ගන්න පුළුවන්. ඒ කාරණය හිතේ තියන් ලියන්න. කවි දෙක අපූරුයි. මේ වගේ හැගීම් අපි කාටත් තියෙනවා.

    ReplyDelete
    Replies
    1. බොහොම තුති අවවාදයට සහ දිරිගන්නුමට 😇

      Delete
  13. +++++++++++++
    අටමා තමයි පාර කිව්වේ

    ReplyDelete
    Replies
    1. අටමා සෑහෙන දෙයක් කරල වගේ සතුටයි ගොඩාරියක්

      Delete
  14. අටම තමයි පාර කිව්වේ, දිගටම ලියමු...
    ජය වේවා...!

    ReplyDelete
    Replies
    1. අටමට පිං , ඔව් ඔව් දිගටම ලියන්නම්

      Delete
  15. අටමගෙන් පාර අහගෙන ආවා. හරිම රස කවි දෙක. දිගටම ලියන්න.

    ReplyDelete
    Replies
    1. ඈ බොල හැලපෙ...එතකොට මම ඔහේට මෙතෙන්ට පාර කිව්වෙම නැතෙයි?
      ඒ කියන්නේ අපි සියඹලා ගෙනල්ලම නෑ...

      Delete
    2. හා හා හා ඔය දෙන්න මරාගන්න ඕනා නැහැ කොහොම හරි ඔක්කොම ඇවිල්ලනෙ 😬

      Delete
  16. ඉතින් ඔන්න ඒ ගෑණු දැරිවිටත් මෙන්න මෙහෙම හිතුනා කියලා අපි හිතමුකෝ.

    එකම මේසයෙ දෙපැත්තේ මුත්
    අපේ හිත වෙන කොහෙද ඈතක
    ඒත් ඉදහිට දැනෙනවා මට
    නුඹේ හුස්මක රස්නෙ ලාවට
    තිගැස්සෙන මුත් පිපී එන ළැම
    පොට්ටු එහෙමත් වෙලාවට
    පියාඹන්නට කොහෙද තටු අපි
    දෙන්න උන්නෙම කතා දෙහෙකක

    නුඹේ සඳවත දිනෙක නුඹෙ අහසෙ පිපේවී
    මා පැතූ ලොව කිරුළ මගේ හිසත් රැදේවී
    අදින් පසු ඉතින් අපි යලිත් හමු නොවේවී
    ඉතින් මට සමුදෙන්න තව වරක් සිනාවී

    ReplyDelete
    Replies
    1. ලව්..ලස්ට්..රොමෑන්ස්..
      සඳවතී ස්පෙෂල් ....

      Delete
    2. සොදුරු සදවත
      නුබේ හදවත
      හැගුනු අදහස
      වටී මට අද

      Delete
    3. කොච්චි - ම්ම්ම් මට ඉතින් හිතට වැදුනොත් මෙහෙම එව්වා ලියවෙනවාමයි

      නෙල්ලි - ස්තූතී අගය කිරීමට ඔයටත්

      Delete
    4. සොඳුරු ගේ මේ කවි දෙකත් අගෙයි.

      Delete
  17. කවි දෙකත් ලියමනත් ලස්සනයි.. ඒත් ඒ ගැන මොනවා ලියන්නද කියල හිතාගන්න බෑ..අටං තමා ඔන්න පනිවිඩේ දුන්නෙ..

    ReplyDelete
    Replies
    1. ආවට ස්තූති අටමගෙන් පාර අසාගෙන කොමෙන්ටුවටත් තුති

      Delete
  18. අටමට බොහොම තුති , ඔබටත් ස්තුති දිගටම ලියන්නම්

    ReplyDelete
  19. වෙන කියන්න දෙයක් නෑ සුපිරියි ! දිගටම ලියමු.

    ReplyDelete
  20. ස්තූති මචං දිගටම ලියන්නම්

    ReplyDelete
  21. අටමාට පින් සිද්ද්ධ වෙන්න ඔන්න මමත් මේ පැත්තේ ගොඩ වුනා එහෙනම්,,

    පොස්ට් එකනම් බොහොම ලස්සනයි..
    කවි පදත් එහෙම මයි..

    ඉස්සරහටත් එන්නම්කෝ..

    ජය වේවා..
    දිගටම ලියමු එහෙනම්..

    ReplyDelete
    Replies
    1. බොහොම තුති , අටමා තමා ඔක්කොටම පාර පෙන්නල තියෙන්නෙ

      Delete
  22. උබට හොදට ලියන්න පුලුවන් good luck

    ReplyDelete
    Replies
    1. ස්තූති නැවත එන්න

      Delete
  23. // ඇය ලoකර ගැනීමට හෝ හිමිකර ගැනීමට අල්පමාත්‍රික රහස් හැගීමක්වත් හද තුල නොවීය. //

    මොන බොරුද !? හිත කියන්නේ ඒ වගේ මැෂින් එකක්..කොච්චර අවංකයි, ඒකාත්මිකයි කිව්වත් වෙන වෙන තැන්වල ගිහින් නතර වෙනවා..සමහර දේවල් ඇතුලේ හොරෙන්ම හංග ගන්නවා කවදා හරි දවසක ඕනා වුනොත් ප්‍රයෝජනයට ගන්න.. මේකත් ඒ වගේ තැන්පතුවක්...

    ReplyDelete
    Replies
    1. සෙන්නා....ඒක හරි. කවුරුත් දන්නැති පොඩි ඩිපොසිට් එකක්.

      Delete
    2. ඒ කතා බහ ඇතුලෙත් හිතන්න දෙයක් තියනවා 😬

      Delete
  24. මේ පොඩ්ඩක් පලල් කරල ලොකු කරහංකො

    ReplyDelete
    Replies
    1. මොකක්ද අටම් අයියෙ 🤔

      Delete
    2. මේ අර ඊයෙ පෙරේදා කෙහෙල් කන්න බෑ.. බනිස් ම ඕන කිව්ව හාදයා නේද

      Delete
    3. ///මේ පොඩ්ඩක් පලල් කරල ලොකු කරහංකො////

      අටම් පුතා....ඔයා එහෙමද කැමති...

      Delete
    4. සෙ ා රි
      අකුරු පොඩ්ඩක් පලල් කරල පිටුව ලොකු කරහංකො

      Delete
  25. නියමයි නෙල්ලි... අටං තමා පාර කිව්වේ...

    ReplyDelete
  26. තැන්කුයි වේවා

    ReplyDelete
  27. ශහ්ඃ නියමයි නෙ... දිගටම ලියන්න.
    අටමගෙ ටෝච් එලියෙන් ආවෙ
    ජයවේවා..!!

    ReplyDelete
    Replies
    1. ආවට බොහොම පින් ඔව් අටමා හෙන සප් එකක් දුන්නා

      Delete
  28. සුපිරි! දිගටම ලියපම් මල්ලි..

    ReplyDelete
  29. අහම්බෙන් ගොඩඋනේ..හුරැපුරැදු හැගීමක් අකුරැ කරල,
    එ් නිසා තදින් දැනුන

    ReplyDelete
  30. බොහොම තුති මේ පැත්තෙ ආවට

    ReplyDelete
  31. නෙල්ලියටත් කොච්චියගේ ලෙඩේ බෝ වෙලාද? මෙහෙම බොග පාලුවට ඇරලා හරි යනවද මන් අහන්නෙ ?

    ReplyDelete